Бөлүмдөр
Жекшемби, 23-сентябрь
Ош облусу, Ош 09.04.2018 10:28

«Биздин айылдын кыздары менен сүйлөшпө»: Кызды байлап, жигитин катуу сабаган 6 шектүү камакка алынды

Turmush -  Ноокаттын Гүлистан айыл аймагынын Бостон айылына сүйгөн кызына жолугушууга барган жигитти сабап, кыздын колу-бутун байлаган 6 шектүү кармалды. Алар убактылуу кормоочу жайга киргизилгенин бүгүн, 9-апрелде Ош ОИИБдин басма сөз кызматы билдирди.

Учурда бул кылмышка тиешеси бар башка шектүүлөрдү кармоо аракеттери улантылып жатат. Аларга бейбаштык боюнча иш козголгон болчу.

Окуя туралуу:

Окуя 30-март күнү саат 14:30 чамасында болгон. Кыз-жигит үйлөнүү максатында сүйлөшүп жүрүшкөн. Ошол күнү башка айылдык жигит кыздын айылына барганда 10 чакты бала чогулуп: «Биздин айылдын кыздары менен эмне үчүн сүйлөшүп жатасың?», - деп суракка алышкан. Алар кыз-жигитти эки башка автоунаага салып, кыздын колу-бутун байлап салышкан. Ал эми жигитти ур-токмокко алып, ал ошол күнү ооруканага түшкөн. Учурда жабырлануучу дарыланып жатат.

Топ балдар жалгыз жигитти ур-тепкиге алганы видеотасмага тартылып, социалдык тармактарга тарагандан кийин коомчулукка белгилүү болду.

Ушул эле айылда 30-мартка караган түнү ушундай окуя болуп, сүйгөн кызына жолугууга барган 32 жаштагы жаран айылдык эки жигиттин ур-токмогунан каза болду.

Маркум 30-мартка караган түнү болжол менен саат 02:30 чамасында айылдагы тааныш кызына барган. Алардын жолугушуусун көрүп калган жергиликтүү эки жигит кол салып, жабырлануучу оор абалда ооруканага жеткирилген. Ал дарыгерлердин аракетине карабастан 5-апрелде көз жумду. Учурда тергөө иштери улантылып жатат, шектүүлөр камакта.

Ноокаттын Бостон айылындагы акыркы окуяларга байланыштуу козголгон кылмыш иштерди Ош облустук төргөө бөлүмү тергейт.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
Көп окулду
×