Бөлүмдөр
Шейшемби, 18-декабрь
Чүй облусу 16.04.2018 17:52

Чүйдүн аймагында өткөн рейдде жарандар тарабынан 2 ок атуучу курал милиция кызматкерлерине тапшырылды

Turmush -  Чүй облусунун аймагында ок атуучу курал-жарактарды мыйзамсыз сактоону аныктоо максатында «Арсенал» аталышындагы профилактикалык рейд жүргүзүлдү.

Чүй ОИИБдин басма сөз кызматынын маалыматына караганда, аталган иш-чарага Чүй ОИИББдин коомдук коопсуздук кызматынан, криминалдык милиция кызматынан жана ЖКККБнын кызматкерлеринен түзүлгөн 114 кызматкер тартылган.

Рейддин жүрүшүндө 2200 аңчылык менен алектенген мергенчилер текшерилип, алардын ичинен 52 жаран тарабынан курал-жарак сактоонун эрежеси бузулгандыгы аныкталып, аларга административдик протоколдор толтурулган. Андан сырткары, 13 жеке күзөт агенттиктеринин ок атуучу куралдарды, ок-дарыларды жана жарылуучу заттарды сактоо жайларындагы куралдарды сактоо эрежелери текшерилди. Рейд учурунда өз каалоосу менен жарандар тарабынан 2 ок атуучу курал-жарактар милиция кызматкерлерине тапшырылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×