Бөлүмдөр
Шаршемби, 22-май
Нарын облусу, Нарын 16.05.2019 08:15

Нарында соцкызматкерлердин облустук спартакиадасы жыйынтыкталды

Turmush -  Нарын шаарында райондордогу эмгек жана социалдык өнүгүү башкармалыгынын кызматкерлеринин облустук спартакиадасы өттү, деп билдирди аймактык кабарчы.

Ага Ак-Талаа, Ат-Башы, Жумгал, Кочкор, Нарын райондорунан жана Жалал-Абаддагы Тогуз-Торо районунан келген айымдар жана эркектерден куралган командалар катышты. Алар кичи футбол, волейбол, жеңил атлетика боюнча ат салышты. Жыйынтыгында кичи футбол оюну боюнча Жумгал району 1-орунду, 2-орунду Кочкор району, 3-орунду Тогуз-Торо районунун командалары ээлешти.

Айымдар арасында өткөн волейбол оюнунда 1-орунду Нарын району, 2-орунду Ат-Башы району, 3-орунду Кочкор району камсыз кылышты. Ал эми эркектер арасында өткөн жеңил атлетика боюнча мелдеште ат-башылыктар жана Нарын районунун командасы жакшы көрсөткүчтөргө жетишти. Эркектер 100, 200, 500, 1000 метр аралыкка чуркаса, айымдар 100, 200, 500 метрге чуркашты. Жеңүүчүлөргө кубок, медалдар, диплом жана баалуу белектер тапшырылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×